عندك الحق صديقي، سرقة عيني عينك و زيد يطلعو علينا في قناة تونس 7 (اللي نخلصو فيها من جيوبنا هي زادة) ويقولو ما يُفيد أنّ “تونس تقتحم القرن الواحد و العشرين” و يعديولنا الديسك متاع الانجازات و المعجزات و كسب رهان الريادة في مجنمع المعلومات و النسب القياسية في الربط بالشكبة عفوا بالشبكة و حاسوب لكل مواطن و تونس تراهن على المادة الشحمة و تصدير الذكاء و بقية الشعارات ال fake أي بالعربيّة المضروبة يعني المزيفة أو المضرّحة في لغة المعاهد متاع العهد الجديد…
خلّي عاد إذا حلينا الدّوسي متاع الباشي (bachée) الـصفحة 404 وهي أكثر صفحة تداولا على المتصفحات التونسيّة و تعني في “الوثائق التفسيرية” (documentation) للانترنت أنّ الصفحة المطلوبة غير موجودة أمّا في النسخة التونسيّة فتعني “الدّاخليّة مرّت من هنا”…
و للحديث سجون… عفوا شجون.